https://www.facebook.com/AmanySalah239
أمانى صلاح الدين
الــلـــى مــــات كـــــان سُــفــيـــف نــحــيـــف
زى مـــا قـــال صــاحــب الــــدم الـخــفــيــف
عـرض ودانـك وابـصـم بـعـشـرة و صـدقــه
مـا هـو كـل عـيـب فـى الـمـقـتـول بـنـلـزقــه
الـعـيـب مـش فـى الـطـلـقــة الـلــى صـابــت
الـعـيـب فـى الـجـتـة الـلـى خـسـت و خـابـت
وعجبى
السعادة
السعادة شعور داخلى يكمن فى طاعة الله ثم الرضا والقناعة
بما قدره وكتبه سبحانه فالسعيد هو شخص مهما ألمت به
خطوب الدنيا يعرف ويدرك تماماً أن ما يحدث له هو لحكمة لا ندركها
فى حينها وإنما تتضح بعد حين
فيشع داخله على خارجه بمظاهر السعادة والهدوء
والتعيس قد يملك كنوز الأرض ولكنه يحقد ويبغض ويحسد
ولا يرضى بما قسمه الله له فيشع داخله البائس على خارجه
بمظاهر الأسى والهم والضيق
فلتسعدوا أحبابى ولتحمدوا الله على كل النعم
دقها وجلها ..صغيرها كبيرها
صباحكم توكل ويقين بما عند الملك سبحانه
أمانى صلاح الدين
صورة سيلفى
بقلم / أمانى صلاح الدين
صورة سيلفى
من أصولها
مد بوزك طلع لسانك
شد شعرك وانكشه
او حتى بين سنانك
اعوج الضبة الجميلة
نط حتى من مكانك
صورة سيلفى
صورة سيلفى صدروها
غرب مجنون مسخرة
واحنا زى العُبط دايماً
غاوين نقلد .. منظرة
حتى لو يوم بعترونا
حنقوم ونصحى بعترة
صورة سيلفى
يا شباب يا للا بينا
يبقى لينا طبع لينا
يتعلموه الغرب منا
ويبقوا هما يقلدونا
إحنا أصلا مش هفية
بس لما نعتز بماضينا
صورة سيلفى
