مرة تـــانية

مرة تـــانية

بقلم / أمانى صلاح الدين

اسمعيها مرة تانية ياللى معروفة حكايتك

اسمعيها واعقليها قبل ما تقرب نهايتك

امتنا صاحية تمام عارفة مين هما اللئام

اسمعيها  وافهمى ممكن يكون آخر الكلام

المارد من القمم خرج بعد ما جاله الفرج

كسر رجله خلاص شفى بعد ما صابه العرج

اوعى يوم تعمليها واللا سينا تقربيها

حتلاقى فيها مقبرة مستنياكى تشرفيها

اوعى مصر تلمسيها واللا حد من جيرانها

حتلاقى ناس واهبة نفسها وروحها عشانها

اوعى يوم تلمسى أقصانا واللا تدنسيه

حتلاقى مليار مرابط حراس عينهم عليه

اوعى يوم تتخيلى إن الزمن راجع ورا

وان رجع حيكون لذكرى نصر معطرة

خافى منا ولمى أفاعيكى وسمها

أبطال كتير راح يشربوا من دمها

انتهى بينا الكلام ومش حيكون بيننا سلام

إلا لما تعلى رايتنا ونعيش عيش الكرام .

اسمعيها مرة تانية ياللى معروفة حكايتك

اسمعيها واعقليها قبل ما تقرب نهايتك