اصح يا نايم صحى النوم
بقلم / أمانى صلاح الدين
اصح يا نايم صحى النوم
رمضان عدى فاضل كام يوم
اصح يا نايم والحق حالك
رمضان ماشى ولا على بالك
اصح يا غافل واذكر ربك
قبل ما يجى اليوم ويحاسبك
اصح يا نايم نمت كتير
لكن لازم م التغيير
عمرك عدى وشعرك شاب
ايه مستنى موت وحساب ؟؟
اصح وسيبك من التسويف
العمر بيجرى بشكل مخيف
فرصة وعندك اوعى تضيع
لازم جهد كبير وسريع
عشرة أواخر على الأبواب
اجرى بسرعة ع التواب
فاتح بابه للعـــــــــــاصيين
غافر دايمـــــــــاً للتايبين
هو رؤوف رحمن ورحيم
سبحانه ولطيف وحكيم
اصح يا نايم صحى النوم
رمضان عدى فاضل كام يوم
ليست هناك تعليقات:
إرسال تعليق