ياريتنى أكون
بقلم / أمانى صلاح الدين
ياريتنى أكون قشة مشبوكة فى مقشة
ولا إنى يوم أتعشى فى مطعم عدوينى
ياريتنى أكون طوبة بين الرجول مضروبة
ولا ابقى مغصوبة ألجـــــأ لمحــــــتلينى
ياريتنى أكون دبانة طايرة كده وحيرانة
ولا اعيش متهانة فى وطنى أو دينى
ياريتنى أكون شوكة فى الأرض مفروكة
ولا أشرب الكوكــــا لو طلـــــعوا عينى
ياريتنى أكون عصفورة حرة كده مبهورة
ولا أكون مقهورة على حالى وسنينى
ياريتنى أكون حبة مزروعة فى التربة
ولا اشوف كربة ولا ظــــلم يــــأذينى
ياريتنى أكون فكرة يعملها ناس بكرة
ولا إنى اكون نكرة والحيطة تدراينى
ياريتنى أكون شــــال فوق الكتاف يتشال
عايشة فى راحة بال مع أهلى ومحبينى
ياريتنى أكون إنسانة عايشة كده ومتصانة
ولا أقبل الإهانـــــة ولوبلقمة تحيينى
جميييييييييييييييلة جدا جدا جدا جدا بسم الله ما شاء الله ♥
ردحذف